2011年7月7日--辛辣人妻

告別了3天矇查查日子, 今天取新眼鏡! 仲有化妝袋送!跟r, 中a睇話劇"辛辣人妻", 好彩眼鏡今日趕起, 初時話要星期六! r 送禮物給我同中a, 好開心, 我有嘜兜電話繩 , 多謝r ! r 原來之前去了廣州, 今天下午5時才回來.每位入場觀眾, 都贈送一支body soap , 睇咁多次話劇, 我第一次收到贈品!事先聲明, 我以下的comment, 跟贈品無關

 "辛辣人妻", 梁榮忠導演, 唐寧, 王浩信, 伍潔茵, 陳永泉主演. 故事很簡單,講述一對新婚夫婦雖然相愛, 但相處出現問題....最後當然大團圓. 全劇笑聲此起彼落, 頗多笑位,  演員稱職, 我地三人都覺得, 估唔到王浩信演得幾好, 而那名黑人演員David Russell戲份唔多, 卻搶戲,  以他不純正的廣東話, 配合他的肢體語言, 好搞笑.原來今天是王浩信正日生日, 導演梁榮忠捧個蛋糕出來, 而王媽媽在王的女友陳自瑤陪同下, 送花給王浩信, 王媽媽好靚呀!, 梁榮忠更帶領全場觀眾唱生日歌, 場面好warm.  王浩信在大家的歌聲及掌聲下吹蠟燭. What a wonderful night !